Acto-Debate: L’Imperialismu "Nuevu" D’Obama y el Gran Oriente Mediu: Palestina y Afganistan Nel Corazón de la Crisis.

 Esquierda Anticapitlista (Asturies)

Oriente Mediu ye, sin nenguna dulda, el sitiu onde se concentra la mayor inestabilidá mundial. Na época de la Guerra Fría, l’enfrentamientu ente les grandes potencies foi’l telón de fondu sobre’l que se produció’l conflictu en Palestina ente’l proyectu sionista y les aspiraciones nacionales del pueblu palestín. Al so alredor, les propuestes polítiques d’un nacionalismu árabe nun foron quien a cuayar.

Pela so parte, los grupos de la esquierda revolucionaria, anque garraron una presencia importante, nun foron quien a dirixir el procesu, polo que s’entró nuna fase d’estancamientu. La llegada del Nuevu Orde Mundial cola desapaición de la Unión Soviética nun favoreció que surdieren propuestes nueves de mena progresista. Al revés, en viendo’l descreitu de les alternatives nacionalistes</p>

y socialistes, la qu’abrió pasu foi una corriente integrista basada nos valores más reaccionarios del Islam.

L’enquistamientu del conflictu en Palestina, la consolidación de la Revolución Islámica n’Irán, los conflictos d’Afganistán coles intervenciones de les grandes potencies del momentu, foron elementos que foron enguedeyando cada vez más la situación.

La llegada al poder d’Obama nos Estaos Uníos presentóse como la última esperanza. Sicasí, la realidá ta demostrando que les sos propuestes son más bien curties y parciales. Nun hai señes d’un cambiu de la situación en Palestina. Ta por ver hasta ónde llega’l so determín pa imponer una solución que nun quier la estrema derecha d’Israel. La guerra n’Iraq sigue a pesar de la so poca incidencia mediática, al tiempu que la d’Afganistán presenta una evolución desfavorable pa los intereses imperialistes.

Too ello nun contestu marcáu por un aumentu de la tensión que xenera la presencia imperial nun área con potencies emerxentes como China o India, o con un estáu fallíu (pero nuclearizáu) como Paquistán per onde pasen les principales rutes de la droga o onde hai intereses xeoestratéxicos bien importantes vinculaos a la esplotación del petroleu y el gas.

De toes estes coses vamos tratar, con Jaime Pastor, el xueves cinco de payares a les ocho de la tarde.

XUEVES 5 DE PAYARES A LES 20:00 HORES

VÍCTOR CHÁVARRI 19 BAXU 15 (UVIÉU)

* Jaime Pastor ye profesor de Ciencies Polítiques na UNED